Amosando publicacións coa etiqueta Diversidade b>. Amosar todas as publicacións
Amosando publicacións coa etiqueta Diversidade b>. Amosar todas as publicacións
martes, 3 de decembro de 2019
luns, 2 de decembro de 2019
O NOSO CANTO Á DIVERSIDADE
Co gallo do 3 de decembro, "Día Internacional das persoas con discapacidade ou diversidade funcional", voltamos a visualizar este vídeo no que pretendemos facer un canto á diversidade, á diferenza e á equidade fomentando a reflexión cunha comparación sinxela pero potente.
E TI, QUE VES?
venres, 29 de novembro de 2019
Día da Discapacidade
Aquí quedan uns vídeos sobre un tema que desde o cole consideramos importantísimo traballar como é a discapacidade.
xoves, 7 de novembro de 2019
LIBROS CON PICTOGRAMAS
Estes libros xa están dispoñibles para todos e todas na biblioteca nun espacio adecuado e que se poidan ver con facilidae e por suposto levar.
mércores, 3 de abril de 2019
RECUNCHO DE INCLUSIÓN
A Nosa biblioteca conta con este espazo para que poidades escoller os libros que máis vos apeteza sobre a temática da inclusión e o respecto hacia os demais.
venres, 14 de decembro de 2018
INVENTOS E DIVERSIDADE
Algunhas das nosas aulas estiveron a investigar INVENTOS que nos fan a vida máis doada aos que temos algunha dificultade motora, visual, cognitiva... Queres coñecer algúns deles?
domingo, 2 de decembro de 2018
RUEDAS
Con motivo do "Día Internacional da discapacidade" hoxe todos iremos a rodas. Como Ruedas, a protagonista de "Ruedas y el secreto del GPS" de Guillermo Fesser, a quen podedes ver nesta entrevista de presentación do seu libro.
Podes atopar os dous libros en BILBIOROBIÑO!
xoves, 29 de novembro de 2018
ALEJANDRO NANDE VISITA O NOSO COLE
Este luns 3 de decembro, con motivo do "Día internacional da discapacidade" visitaranos Alejandro Nande Iglesias, un jinete súper capacitado para a doma clásica. Queres coñecelo?
Podes atopar información deste campeón a nivel nacional nos segintes enlaces:
Podes atopar información deste campeón a nivel nacional nos segintes enlaces:
martes, 28 de novembro de 2017
BAIXO O MESMO PARAUGAS. DÍA DA DISCAPACIDADE
Como cada ano o noso centro colabora co Centro Juan María no día da discapacidade, o 3 de decembro. Este ano co lema "Baixo o mesmo paraugas", reflexionaremos sobre a necesidade de todas as persoas a participar e sentirse parte da nosa sociedade.
Esta proposta ademais viaxará a tres puntos de Galicia: Coruña, Vigo e Pontevedra, cidades nas que durante o fin de semana haberá unha marea de paraugas pola diversidade. Estades todos convidados o domingo ás 12:00 na explanada do Náutico en Vigo.
NOTICIA EN TELEMARIÑAS
NOTICIA EN FARO DE VIGO
A diversidade fainos mellores!!
Podes escoitar no seguinte enlace a canción que bailaremos todos o venres despois do recreo. O noso cole será un paraugas xigante no que TODOS E TODAS temos cabida.
E xa para despedirnos por hoxe unha curtametraxe dos super poderes dalgúns superheroes que son compañeiros nosos de clase, amigos do parque, veciños... ACADEMIA DE ESPECIALISTAS,
luns, 5 de xuño de 2017
OBRADOIRO DE POESÍA CO COLE JUAN MARÍA E OS NOSOS AXUDANTES DE 6º
Bo día! Hoxe vimos a contarvos unha actividade moi especial que aconteceu na nosa biblioteca o pasado 25 de maio e da que puideron gozar os nosos axudantes de 6º. Moitas grazas polo voso traballo!!!!
Dende a biblioteca
invitámos a facer un obradoiro de poesía a un grupo de 15 rapaces do Centro Juan María con nosos, os axudantes de
biblioteca de 6º.
O obradoiro de
poesía versou sobre Gloria Fuertes, xa que este ano esta grande poeta infantil tivo un lugar destacado na nosa escola.
A actividade que fixemos foi a seguinte: “PALABRAS
FUXIDAS”.
Agrupamos en grupos mixtos de 4 rapaces e démoslles un sobre a cada un
cunha poesía diferente de “Como se dibuja…” onde todos eran persoaxes humanos e
recollida no poemario “Los poemas de la Oca Loca”. Nesta poesía faltaban 6
palabras ao final dalgúns versos. Primeiro tiveron que buscar unha palabra que
rimando, puidese ir nese lugar. Despois dímoslles noutro sobre recortadas as
palabras que faltaban e pegáronnas no seu lugar. E por último, coa personaxe do
seu poema tiveron que facer pareados. Cos seus pareados fixemos un mural que
levaron de agasallo.
venres, 3 de febreiro de 2017
VISITA DE DISCAMINO
Hoxe,
25 de xaneiro de 2017, contamos coa presenza de Javier Pitillas e o seu equipo
de Discamino: Anita, Javier, David e Gerardo. Tamén viñan apoiados de Estrella
(nai de David) e Silvia (traballadora de ASPAVI).
Comezou
Javier Pitillas explicando como se formou e qué é Discamino e a asociación
ASPAVI de onde pertencen moitos deles.
Foi moi interesante compartir a experiencia e coñecer a xente incrible
que ainda que non poden oler nin oír poden sentir e disfrutar do seu “Camino de
los sentidos”.
Gerardo
foi o invertor de Discamino. Naceu o 11 de abril de 1978, ten 38 anos e é sordocego. A frase que o defíne é: “vexo
pouco, escoito pouco e falo moito”. O que máis lle gusta é o deporte e a
música. Cando a súa nai estaba embarazada tivo a rubeola o que desencadenou
nunha sordoceguera. Fai xa 8 anos comezou a aventura de facer o camiño de
Santiago. Ao chegar a Santiago Gerardo pronunciou a frase que fixo que
Discamiño se puxera en marcha por moitos anos máis: “Busca máis xente coma mín
para facer o camiño durante moitos anos”. E así foi como naceu un marabilloso
proxecto onde se foron engadindo moitas persoas excepcionais:
Anita
ten 42 anos e David 39 e ambos teñen parálise cerebral. Non poden falar polo
que comunícase cun sistema alternativo de comunicación. Ensináronnos como as
novas tecnoloxías serven para dar axuda a persoas coma eles e puidemos
escoitalos a través das súas tablets. Javi é outro dos compoñentes e ainda que pode
falar faino de forma lenta e imprecisa pero escoitar a súa experiencia foi
fantástico.
Das
diferentes historias podemos apreciar que “ningún se rinde ante nada e ante
ninguén e todos chegan a conseguir as súas metas” esperemos que por moitos anos
máis!!!!
Foi
un pracer estar hoxe con vós!! Ata a próxima!!
Alumnos de 6ºB
Nós gozamos da súa visita. Agora ti podes gozar e coñecelos grazas á entrevista que lle fixemos para Radio Vilameán!!
POEMA PARA
DISCAMINO
Gústalles o deporte,
gústalles loitar,
sempre subir
e nunca baixar.
O camiño dos sentidos
lograron comezar
e así unha gran batalla
poder por fin gañar.
As pedras do camiño
lograron apartar
cando nós só
poderíamos rodear.
Xente increíble
que aprendeu a loitar
sempre adiante
non mires atrás.
Alumnos de 6ºB
venres, 16 de decembro de 2016
POLA TOTAL INTEGRACIÓN E A DESAPARICIÓN DAS BARREIRA ARQUITECTÓNICAS OS 365 DÍAS DO ANO
Moitas grazas a todos pola vosa colaboración! que bonito o fixestes!!! Aquí tedes o video de todo o cole!
Lemabrade, a diversidade: os 365 días do ano!!!
Lemabrade, a diversidade: os 365 días do ano!!!
mércores, 30 de novembro de 2016
EL REGALO
Esta curtametraxe gañou máis de 50 premios en diferentes festivales de todo o mundo. Con motivo do Día Internacional das Persoas con Discapacidade unímolo á selección de curtametraxes que podes atopar no seguinte enlace:
luns, 28 de novembro de 2016
ESPAZO LECTURA E O CENTRO JUAN MARÍA

Este mércores, con motivo do día da discapacidade, visitaranos na Casa da Lectura un grupo de mestras do Centro Juan María que nos van presentar o conto «Os músicos do Valmiñor», contando e signando. A sesión comeza ás 18:00 horas e media hora antes aténdese o servizo de préstamo.

Podes atopar este libro no andel de teatro da nosa biblioteca!!
3 DE DECEMBRO, DÍA INTERNACIONAL DAS PERSOAS CON DISCAPACIDADE
Este venres é día 3 de decembro, data na que se celebra en todo o mundo o Día Mundial das Persoas con Discapacidade. Este ano o centro Juan María invítanos a todos a andar en bicleta ao ritmo da música de Shakira e Carlos Vives con este vídeo tan emocionante.
Pedaleemos xuntos!!!
xoves, 19 de maio de 2016
O VOSO LIBRO VIAXEIRO
O LIBRO VIAXEIRO que acompañou a Lorenzo co seu cazo e a maleta está de volta na biblioteca. Podedes lelo e emocionarvos co voso traballo e o dos vosos compañeiros na sala de lectura ou tamén en calquera parte, porque o temos aquí mesmo dixitalizado!
Quedouvos espectacular! Un traballo incrible!
mércores, 18 de maio de 2016
CARREIRAS POLA INTEGRACIÓN
Dende a Biblioteca queremos animarvos a todos a participar nos seguintes eventos:
I Carreira pola integración que se levará a cabo en Vigo (domingo 29) . Podedes atopar máis inforamción no seguinte enlace:
I Carreira pola integración que se levará a cabo en Vigo (domingo 29) . Podedes atopar máis inforamción no seguinte enlace:
"ENKI es un proyecto social para la integración y visualización de colectivos y personas con diversidad funcional.
Carrera lúdica de obstáculos, abierta a la participación de todos los públicos, edades, con o sin diversidad funcional. 2,5km de obstáculos, pruebas, juegos de colaboración y sobre todo mucha diversión. El ganador no será el más rápido, sino el equipo más divertido, mejor disfrazado o el más numeroso.
Una fiesta a favor de la inclusión.
El 100% de los fondos recaudados serán destinados a favor de los colectivos que luchan por y para la defensa de las personas con discapacidad y su integración a través de la práctica de actividades deportivas."
En Coruxo celebrarase o Terceiro "Coruxo móvese" o 5 de xuño. Podes atopar máis información nos seguintes enlaces:
Porque este ano e sempre... VIVIR A DIFERENZA, GARANTIR A IGUALDADE!
xoves, 12 de maio de 2016
O MONSTRO DE CORES, POR 3ºA
Só temos palabras de agradecemento para o alumnado de 3ºA, que o pasado mércores 4 representou ata en sete ocasións a súa adapatación ao teatro de "O monstro de cores", o libro de Anna Llenas que todos coñecemos. Case todo o cole puido velos e sentir a rabia, o medo, a ledicia, o amor, a calma ou a tristeza que o monstro sinte no libro. Pero é que eles foron máis lonxe e nos amosaron tamén o que era o aburrimento, a vergoña e o nerviosismo. Foi verdadeiramente EMOCIONANTE.
Sodes uns artistas! Grazas e noraboa!
A que tes ganas de volver velo?
Podedes atopar o libro no andel 17, de cor azul e con este picto:
martes, 10 de maio de 2016
O CAZO DE LORENZO, A PELI
Ola compas!
Lorenzo e o seu cazo xa percorreron todo o cole. Xa coñece a cada un de vos e sabe canto traballades e como vos gustou ler os libros que levaba na súa maleta. Encantoulle esta excusión que comezou xa en novembro e acaba de rematar agora. Lorenzo, a súa maleta e o seu diario de viaxe xa están comigo aquí na biblio. Pronto todos poderemos ler as súas peripecias.
Mentres aquí podedes ver a animación do noso libro favorito. Se premedes no enlace ademais atoparedes información sobre quen o levou a gran pantalla. Gozade con el! Vémonos pronto!
martes, 3 de maio de 2016
LINGUA DE SIGNOS EN BIBIOROBIÑO
O pasado xoves, día 28 de abril, os nenos e nenas de 1º e 2º tiveron a oportunidade de aprender un pouco a lingua de signos grazas a Rincón del Signo que viñeron á biblioteca. Practicamos o alfabeto dactilolóxico, as cores, algunhas palabras e os animais do conto "A que sabe a lúa?, que nos interpretaron en lingua de signos. Aquí podédelo ver todos.
Se estades interesados na lingua de xordos lemabrade que o noso himno da diversidade "Eu teño alguén no meu corazón" está interpreado nesta lingua. Os enlaces que tedes a continuación serviranvos para coñecer mellor esta forma de comunicarnos.
No andel de Lorenzo da biblioteca tedes unha colección de contos con DVD no que podedes tamén ver o conto en lingua de signos.
Espero que toda esta información sexa do voso interese!
Moitas grazas por lerme, Robiño
Subscribirse a:
Publicacións (Atom)
















